Financim Projekti

Banka ofron zgjidhje të specializuara për financimin e projekteve të investimeve kapitale-intensive, të strukturuara mbi bazën e flukseve të ardhshme të parasë të vetë projektit.

Financimi i projekteve përfaqëson një model financimi ku shlyerja e kredisë sigurohet kryesisht nga të ardhurat e gjeneruara nga projekti, dhe jo nga aftësia e përgjithshme kreditore e investitorit. Ky qasje mundëson realizimin e projekteve komplekse infrastrukturore, energjetike, industriale dhe komerciale përmes strukturimit të kujdesshëm të rreziqeve dhe shpërndarjes së tyre ndërmjet palëve të përfshira.

Çfarë ofrojmë?

  • Financim afatgjatë i projekteve “greenfield” dhe “brownfield”
  • Financim i burimeve të energjisë së rinovueshme (parqe diellore dhe me erë, sisteme BESS, etj.)
  • Projekte infrastrukturore dhe industriale
  • Financim i projekteve në pasuri të paluajtshme (qendra tregtare, qendra logjistike, objekte biznesi)
  • Strukturim i kredive të sindikuara me institucione financiare vendore dhe të huaja

Qasja Jonë

Çdo projekt e analizojmë në mënyrë gjithëpërfshirëse, me fokus në:

  • Qëndrueshmërinë e modelit të biznesit
  • Projekcionet e flukseve të parasë
  • Strukturën teknike dhe ligjore të projektit
  • Kornizën kontraktuale (EPC, O&M, PPA, koncesione, etj.)
  • Identifikimin dhe menaxhimin e rreziqeve të projektit

Në bashkëpunim me investitorin, krijojmë një strukturë financiare optimale që siguron raport të balancuar mes borxhit dhe pjesëmarrjes me kapital, afat të përshtatshëm të shlyerjes dhe mekanizma për mbrojtjen e të gjitha palëve të përfshira.

Pse të na zgjidhni?

  • Ekip me përvojë shumëvjeçare në strukturimin dhe implementimin e projekteve komplekse
  • Përvojë në transaksione të sindikuara dhe bashkëpunim me institucione financiare ndërkombëtare
  • Zgjidhje fleksibile dhe të përshtatura individualisht
  • Mbështetje në të gjitha fazat e projektit – nga struktura fillestare deri te mbyllja financiare dhe monitorimi

Me financimin e projekteve, Banka është partner strategjik i investitorëve në realizimin e investimeve të qëndrueshme dhe afatgjata fitimprurëse.

Për informacione shtesë, na kontaktoni ose vizitoni degën/ekspozitën tuaj më të afërt.