Проектно финансирње

Проектно финансирање

Банката нуди специјализирани решенија за проектно финансирање на капитално-интензивни инвестиции, структуирани врз основа на идните парични текови на самиот проект.

Проектното финансирање претставува модел на финансирање кај кој отплатата на кредитот примарно се обезбедува од генерираните приходи на проектот, а не од целокупната кредитна способност на инвеститорот. Овој пристап овозможува реализација на комплексни инфраструктурни, енергетски, индустриски и комерцијални проекти преку внимателно структуирање на ризиците и нивна распределба меѓу вклучените страни.

Што нудиме?

• Долгорочно финансирање на „greenfield“ и „brownfield“ проекти
• Финансирање на обновливи извори на енергија (соларни и ветерни паркови, БЕСС системи и сл.)
• Инфраструктурни и индустриски проекти
• Финансирање на проекти во недвижности (трговски центри, логистички центри, деловни објекти)
• Структурирање на синдицирани кредити со домашни и странски финансиски институции

Наш пристап

Секој проект го анализираме сеопфатно, со фокус на:

• Одржливоста на бизнис моделот
• Проекциите на паричните текови
• Техничката и правната структура на проектот
• Договорната рамка (EPC, O&M, PPA, концесии и др.)
• Идентификација и управување со проектните ризици

Во соработка со инвеститорот, креираме оптимална финансиска структура која обезбедува балансиран однос меѓу долг и сопствено учество, соодветен рок на отплата и механизми за заштита на сите вклучени страни.

Зошто да нè изберете?

• Тим со долгогодишно искуство во структуирање и имплементација на комплексни проекти
• Искуство во синдицирани трансакции и соработка со меѓународни финансиски институции
• Флексибилни и индивидуално прилагодени решенија
• Поддршка во сите фази на проектот – од иницијална структура до финансиско затворање и мониторинг

Со проектното финансирање, Банката е стратешки партнер на инвеститорите во реализација на одржливи и долгорочно профитабилни инвестиции.